Fan 16.00 uur oant 20.00 oere yn it Adverium yn Drachten (de lokaasje is ûnder foarbehâld).
Dielnimmers: fjildgroep
28 maaie 2020
Untwikkeling boustiennen by Grutte Opdrachten (1)
Ôfrûne febrewaris hat de provinsje Fryslân, nei in oanbestegingsproseduere, Cedin de opdracht ferliend foar de folgjende faze fan Kurrikulum.frl: it ûntwikkeljen fan de kearndoelen. Yn it Kurrikulum.frl is beskreaun wat de ynhâld is fan it ûnderwiis Fryske taal en kultuer yn ‘e folgjende perioade. Yn in eardere faze wie Cedin belutsen by it formulearjen fan de saneamde Grutte Opdrachten en de boustiennen foar Kurrikulum.frl en is de basis lein foar it nije kurrikulum foar de Fryske taal en kultuer.
Meiwurkje oan de ûntwikkelings?
Bisto learkrêft yn it pû of fû, mei hert foar it Frysk? Soest der aardichheid oan ha om mei te bouwen oan de nije kearndoelen foar Kurrikulum.frl? Bisto ree om in oantal kearen yn ’t jier oanwêzich te wêzen by de ûntwikkelsessy’s*? Mail dan nei Bernadet de Jager (projektlieder Kurrikulum.frl) fia b.dejager@cedin.nl.
*Yn ‘e earste faze, dy’t likernôch in jier duorret, sille yn acht wurkbyienkomsten de Grutte Opdrachten en Boustiennen útwurke wurde yn konsept kearndoelen.
Beskriuwing fan it ûntwikkelproses
De opdracht fan de provinsje Fryslân is dat it ûntwikkelproses fan Kurrikulum.frl ferlykber is oan it ûntwikkelproses fan Curriculum.nu. It wichtichste by dat ôfstimmen is dat de kwaliteit en formulearring fan de kearndoelen Frysk roaie mei dy fan oare fakgebieten. Dêrom wurdt gearwurking socht mei in learplanûntwikkelder fan SLO (Stichting Leerplan Ontwikkeling). SLO is ferantwurdlik foar de organisaasje en útfiering fan it proses foar de ûntwikkeling fan it lanlike kurrikulum.
Planning
De oarspronklike planning foar de realisaasje- en testfaze soe starte yn april 2021. Troch it fallen fan it kabinet, is de lanlike ûntwikkeling fan it kurrikulum stil kommen te lizzen. Wannear’t it lanlik proses wer op gong komme sil is op dit stuit net dúdlik. De provinsje hat Cedin frege om de start ek út te stellen. Sadree’t bekend is dat it útein set, sil dat publisearre wurde op de website www.kurrikulum.frl.
Gearwurking mei it fjild
By it ûntwikkeljen fan de kearndoelen sil ek yn dizze faze wer gearwurke wurde mei in tal fertsjintwurdigers út it wurkfjild: de fjildgroep. Dy sil bestean út learkrêften, skoaldireksjes, teamlieders seksje Frysk en IB-ers en taalkoördinatoaren dy’t wurkje op skoallen fan it pû en fû. Sy sille ynput jaan oangeande de kearndoelen en hawwe mei har skoalle in rol yn ‘e testfaze.
Sa’t SLO it oanpakt by de ûntwikkeling fan it Curriculum, sille tidens de wurkbyienkomsten saakkundigen nûge wurde om by te dragen oan spesifike ûnderwerpen. It foardiel fan dy opset is dat saakkundigen en belanghawwenden, dy’t yn ‘e earste faze belutsen west hawwe by de reaksjegearsitten, no earder yn it proses belutsen wurde.
NB: de fierdere ynhâld fan dizze website giet no foar ’t meast noch oer de ôfsletten faze fan de Grutte Opdrachten en de Boustiennen. Sadree’t wis is hoe’t de ynhâld en planning fan de realisaasje- en testfaze der útsjen sil, sil dat mei hasten op dizze website publisearre wurde.
Twadde fase ûntwikkeling nij kurrikulum far Fryske taal en kultuer
Yn maart 2020 hat de Provinsje Fryslân oan Cedin de opdracht jûn om de twadde faze fan de ûntwikkeling fan it kurrikulum foar de Fryske taal en kultuer út te fieren. De opdracht is om fuortbouwend op ‘e produkten dy’t yn ‘e earste faze ûntwikkele binne, no boustiennen op te stellen dy’t de basis foarmje foar de kearndoelen foar it leargebiet Fryske taal en kultuer. Dy opdracht moat fóár 1 oktober 2020 realisearre wêze.
Yn de earste faze fan Kurrikulum.frl hat in ûntwikkelteam fan leararen pû en fû en skoallieders yn oparbeidzjen mei saakkundigen in start makke mei de ûntwikkeling fan in nij, eigentiidsk kurrikulum foar de Fryske taal en kultuer. Yn dy earste faze is in protte omtinken jûn oan it opstellen fan in fyzje op it leargebiet en de earste ferzje fan de Grutte Opdrachten (GO’s). It ûntwikkelteam hat dêr aktyf feedback op frege by skoallen en oare partijen dy’t belutsen binne by it ûnderwiis fan it fak Frysk. Op dy wize is wurke oan in breed draachflak foar it nije kurrikulum. Yn de twadde faze sille wy mei ynmoed fierder wurkje oan de besteande dokuminten en stribje wy der nei om op ‘e nij it wurkfjild safolle mooglik te beheljen by de ûntwikkeling.
Kurrikulum.frl slút oan by Curriculum.nu, dy’t lanlik de kearndoelen foar alle fakken oanpast. It fak Frysk falt sûnt 2014 net mear ûnder it foech fan it ministearje fan OCW, mar ûnder dat fan de Provinsje Fryslân. Dêrom hat de Provinsje Fryslân de opdracht jûn om ek foar it fak Frysk de kearndoelen te aktualisearjen.
WAT
Op fêste tiden wurdt kritysk sjoen nei de ynhâld fan ús ûnderwiis mei as sintrale fraach: watfoar kennis en feardichheden hawwe learlingen nedich? Dat dogge wy op allerhande nivo’s: yn ‘e klasse, op skoalnivo en ek op lanlik nivo.
WA
De twadde faze fan de ûntwikkeling fan it kurrikulum foar it leargebiet Fryske taal en kultuer wurdt útfierd ûnder rezjy fan Cedin.
HOE
De twadde faze fan de ûntwikkeling fan it kurrikulum moat tusken 1 maart en 1 oktober 2020 útfierd wurde. Soks freget om in strakke planning. De fjildgroep komt fjouwer kear in deidiel byinoar om te wurkjen oan de oanpassing fan de Grutte Opdrachten en it formulearjen fan de boustiennen.
Aginda
11 juny 2020
Untwikkeling boustiennen by Grutte Opdrachten (2)
Fan 16.00 oere oant 20.00 oere yn it Adverium in Drachten (de lokaasje is ûnder foarbehâld).
Dielnimmers: fjildgroep
20 augustus 2020
Feedbacksesje konsept boustiennen
Fan 16.00 oere oant 20.00 oere yn it Adverium yn Drachten (de lokaasje is ûnder foarbehâld).
Dielnimmers: fjildgroep
22 april 2020
Feedbacksesje
Fan 9.00 oere oant 17.00 oere. Y.f.m. it koroanafirus is de gearkomste online (fideokonferinsje).
Dielnimmers: stakeholders
25 juny 2020
Feedbacksesje
Fan 9.00 oere oant 17.00 oere yn it Adverium yn Drachten (de lokaasje in ûnder foarbehâld).
Dielnimmers: stakeholders